HomepageContact intoCornwall.com
Search intoCornwall.com:  

 

English
German

Dowrskia

 

 

 

Kernow:

IntoCornwall.com a'gas dynnergh

Aswonys yn ewn yw Kernow avel amkan meurgerys rag godrigoryon dhyworth pub tyller oll y'n bys hag avel ranndir teg dhe driga ynno, ow kynnik kwalita ha tooth a vewnans unnik.

Desedhans Kernow y'n rann an moyha sothwest a'n R.U. a surha hin demprek ha keyndirwel arvorek ha powel heb par. Yma dhe Gernow honanses hag yw y honan yn tien, dhyworth hy arvor marthys dh'y halow hag avonyow ha heylyow bryntin.

An liester marthys a vern hendhyskansek, istorek ha kyrhynedhel, bewderyow kowethasek ha sygerus, Gonisogeth hag Art kuntellys yn Kernow yw revedh hag a gevre yn feur dh'y unikter.

Kernow a's teves hy yeth hy honan. Kernewek re beu dasserghys, ha dyskys hag usys yw lemmyn yn efan y'n bewnans pup-tydhyek gans niver ow moghhe a gernewgoryon.

Y kevir diwysyansow koth Kernow ryb displegyansow arnowyth yn arveth, ha lies den a dhewis omdhaslea dhe Gernow rag kemeres rann yn ragdresow mar dhivers avel gwriansow hengovek ha kowethasow selys war deknologieth derivadow a drest war geskomunyans kesrosweyth. Yma Kernow ow ledya war an fordh gans bond ledan “goruskis”, kavadow seulabrys yn rannow a Gernow ha'n lesrann dhe vos kowlwrys erbynn 2014.

Rosweythyow kooth fordhow, hyns horn, kowbal hag ayr a es hedhadewder dhe Gernow dhyworth py rann pynag a'n R.U., Europa ha'n Bys. Kernow a's teves neppyth dhe brofya dhe bubonan ha kettel semplowgh hogen bohes a'n pyth a yll Kernow y brofya, sur on ni y fynnowgh dos arta rag moy.

An Para Into Cornwall

 

(Klyckyewgh, mar pleg, war an kevrennow orth tenewen an folen rag derivadow a-dro dhe gettep testen.)

 

  Cornish translation by
MAGA Cornish Language Partnership

 

 

 

 

© AWMP Creative Media, all rights reserved, modifications by Choughmountain Design